Rechte Siet op Platt – de linke Siet Hochdüütsch. So geiht dat dörch dit Book. Op disse Oort schull dat ok helpen, de plattdüütsche Sprook lebennig to holln.
In vergnögte un af un to ok deepsinnige Geschichten vertellt Inge Hellwege ut Alt-Gorstedt un blangenbi, ok wat vun Hamborg un ut Sleswig-Holsteen – un beten wat ut de Stadt Norderstedt, wovon ehr Dörp hüüt en Deel is, de sien Gesicht mit de Tied ännert.
All de Geschichten sind ok lütt beten Dörp-Geschicht – uns Heimat, de wussen is un sik wandelt hett – un de nich vergeeten warrn schull.
De Ruuch vun de wiede Welt weiht ok dörch Gorstedt. So musst di nich wunnern, wenn mang de Geschichten ok mol een Vörslag för een lütte Reis steiht. Un dat afsünnerlich Begeevnis ut Brooklyn – is mol wat anners as Kantüffelsolot und Würstchen ton‘n Hillig-obend …
Alles verstanden? – Im Buch ist das kein Problem, denn der hochdeutsche Text steht direkt auf der gegenüberliegenden Seite und hilft auch jenen, die das Plattdeutsche ein bisschen verlernt haben, wieder "flüssig" zu werden.
ISBN 978-3-944459-54-7 / Softcover / 188 Seiten
